影片
更多
2016-11-02
318 瀏覽
呢間太興都幫襯左一段時間，以前最喜歡食佢個「燒鵝髀飯」。呢日又好想食燒味，甘就稔起黎呢度。呢日叫左2個八寶飯套餐(包油菜、飲品), 同梅菜蒸茄子。「八寶飯」: d燒味又係凍冰冰，每次黎呢度d燒味都甘係，好在d白飯夠熱(有煙)，平衡返。佢無俾酸梅醬，但見d侍應好似唔夠人手甘，算吧啦，唔問佢攞。餸都幾多，不過就唔算好味，燒鵝好肥又無咩肉，切雞咸左少少，叉燒硬，薰蹄咸而無味，墨魚片少少腥，d豉油汁又係偏咸身，成個飯都好咸。油菜要左菜心，一碟有3條, 一碟有4條，淋左蠔油。烚菜，無咩油份，幾健康甘。飲品叫左冰鎮奶茶，都ok，茶味濃，算滑。見個「蒸茄子」好耐都未到，催過單，但位侍應check都唔check就覆我話黎緊、就出，甘最後當然係個餸真係漏左，算囉，食少個餸又慳幾十蚊，去食甜品好過。
「八寶飯」: d燒味又係凍冰冰，每次黎呢度d燒味都甘係，好在d白飯夠熱(有煙)，平衡返。佢無俾酸梅醬，但見d侍應好似唔夠人手甘，算吧啦，唔問佢攞。餸都幾多，不過就唔算好味，燒鵝好肥又無咩肉，切雞咸左少少，叉燒硬，薰蹄咸而無味，墨魚片少少腥，d豉油汁又係偏咸身，成個飯都好咸。
油菜要左菜心，一碟有3條, 一碟有4條，淋左蠔油。烚菜，無咩油份，幾健康甘。
飲品叫左冰鎮奶茶，都ok，茶味濃，算滑。見個「蒸茄子」好耐都未到，催過單，但位侍應check都唔check就覆我話黎緊、就出，甘最後當然係個餸真係漏左，算囉，食少個餸又慳幾十蚊，去食甜品好過。
題外話/補充資料：
以前好喜歡食佢個「燒鵝髀飯」，但而家真係越來越唔得。呢度都曾經係我個飯堂，但而家見到佢水準似乎大不如前。
(以上食評乃用戶個人意見 , 並不代表OpenRice之觀點。)
張貼
