意粉 360 (已結業)

話說呢日做完一個present之後，就過左黎呢度食飯。其實我一直幾鍾意呢間360，因為地方就腳同服務態度唔錯架。當然，食物既質素都有番咁上下啦。一個人，都係叫個set lunch就夠啦。忌廉湯平心而論，同某隻罐頭忌廉湯既味道好相似。不過，個湯又唔算太稀既，我都覺得幾好飲。始終佢地湯既選擇只有菜湯同忌廉湯。脆炸一口豬話說有張免費小食券既其中一個小食，呢個都幾好食。個豬柳炸得好脆口，加埋沙律醬，就錦上添花啦。香辣海鮮意粉估你唔到既係，個意粉既汁係比我預期既辣。不過個汁係幾惹味既，而海鮮既料都係樣樣有。當然，每樣海鮮既大細係好細粒啦。呢個係預期之內。而意粉都算幾煙韌可口，好彈牙。香芋紅豆特飲有個staff既介紹，紅豆既份量好多。而香芋既味都算幾濃，個特飲既味道係配搭得幾好。呢餐都唔算太貴，而且食物真係幾好食。服務都算唔錯，成日有人同你加水。收碟又收得快，好多野都好好。