影片
更多
2009-02-05
28 瀏覽
我唔係食家，以下只係個人意見．．．公司食團年飯揀咗嚟慶公宴，之前未試過，有啲期待．．．服務幾好，會解釋每道餸既煮法同食法，幾細心；另值得一讚既係茶，啲茶好香，我都有買包茶葉走．前菜：1. 麵鼓龍蝦湯浸木綿豆腐 - 個人最喜歡個龍蝦湯2. 椰菜花鮮蟹肉配魚子醬汁 - 一啖食哂, 好似無乜味道, 無乜特別....3. 北海道元貝配鮮蜂蜜汁 - 因我唔係好中意食海鮮，無食到呢味，但同事話個汁好好味4. 火焰玫瑰(玫瑰露酒灌海中蝦) - 話用玫瑰露灌醉啲蝦先煮，但食唔到有酒味，都係一般5. 姜汁炒什菌 - 話係招牌菜，但對我嚟講，唔算太特別，不過其中炸香咗金菇，幾香口6. 鮮蟹濃湯蟹皇翅 - 我都食咗蟹味，有蟹羔，同埋啲翅好多，唔錯唔錯～7. 菜膽燉姬松茸湯 - 望落個樣幾清，飲落都幾重松茸味，除咗有小小咸，個人覺得呢個湯不錯8. 酥炸雞中翼配特色熱情果醮汁 - 全晚最受讚賞係呢味菜，好味既唔係隻雞翼，而係個醮汁，果個味道小小酸酸甜甜，我地個個都讚好味，相對個雞翼就無特別之處，如果個雞翼都做好啲就GOOD啦～9. 巧制醬汁加拿大牛肋條 - 個汁太咸，味道其實係OK，如果淡返少少就好啦，我以前未
公司食團年飯揀咗嚟慶公宴，之前未試過，有啲期待．．．
服務幾好，會解釋每道餸既煮法同食法，幾細心；
另值得一讚既係茶，啲茶好香，我都有買包茶葉走．
前菜：
1. 麵鼓龍蝦湯浸木綿豆腐 - 個人最喜歡個龍蝦湯
2. 椰菜花鮮蟹肉配魚子醬汁 - 一啖食哂, 好似無乜味道, 無乜特別....
3. 北海道元貝配鮮蜂蜜汁 - 因我唔係好中意食海鮮，無食到呢味，但同事話個汁好好味
4. 火焰玫瑰(玫瑰露酒灌海中蝦) - 話用玫瑰露灌醉啲蝦先煮，但食唔到有酒味，都係一般
5. 姜汁炒什菌 - 話係招牌菜，但對我嚟講，唔算太特別，不過其中炸香咗金菇，幾香口
6. 鮮蟹濃湯蟹皇翅 - 我都食咗蟹味，有蟹羔，同埋啲翅好多，唔錯唔錯～
7. 菜膽燉姬松茸湯 - 望落個樣幾清，飲落都幾重松茸味，除咗有小小咸，個人覺得呢個湯不錯
8. 酥炸雞中翼配特色熱情果醮汁 - 全晚最受讚賞係呢味菜，好味既唔係隻雞翼，而係個醮汁，果個味道小小酸酸甜甜，我地個個都讚好味，相對個雞翼就無特別之處，如果個雞翼都做好啲就GOOD啦～
9. 巧制醬汁加拿大牛肋條 - 個汁太咸，味道其實係OK，如果淡返少少就好啦，我以前未食過加拿大牛肋條，果日個牛肋條．．．好似牛腩，唔知係咪咁架呢？
10. 日本新潟米飯配娜威三文魚 - 呢個都係要讚，本來食到呢味，大家都巳經飽，不過最後大家都食哂呢個飯，個飯炒得好乾身，好似粒粒都係金黃色咁，好味！雖然我唔中意食魚，但都有試下個三文魚，唔知用咗咩汁撈出嚟，幾惹味．．．
11. 燕窩加火龍果 - 無乜特別，個人對火龍果唔太喜歡，不過燕窩係做得OK的，andy講過話唔知用咩玫瑰(汁?)溝個燕窩出嚟，所以燕窩裡面有清新花味．．．
整體嚟講，全晚啲菜式係唔錯既，就算係無乜特別既菜式，都唔會難食，不過六至七百位，就有啲貴．．．
張貼
