竹園海鮮飯店 (已結業)

今日難得有時間同屋企人喺尖沙咀飲個早茶就揀咗間自己好耐冇食過嘅酒樓諗住食下佢哋嘅點心，都只不過係大約三個月冇食，但係水準好似已經變得唔一樣。菜苗餃一籠有三隻都幾好食但係就細咗啲。魚湯鮮竹卷，以前個魚湯好好飲又有菇菌類係入邊鮮竹卷又好味，但係今次鮮竹卷冇味嘅而且個湯入邊都冇乜味，感覺有啲偷工減料。燒汁魚肉茄子，內面有魚肉，但都無乜味，一般。原本仲叫咗個炒飯但係炒飯油膩而且牛肉好銀，連相都冇影因為非常之失望。今次嚟到呢間老店，原本想食到老店的美味，但真係淨係感覺到失望而且侍應服務態度亦都唔好。