上海榮華川菜館

營業中

休息中

心思思想食上海野，去返學生時代去過的一間，竟然仲響到，多年迄立不倒。二人套餐 $206， 有兩餸一湯，仲有白飯同八寶茶。CP 高，超值的一餐。招牌回鍋肉好味，回鍋肉炒得夠乾身，豚肉幾爽口唔油膩。味道咸咸甜甜，整體辣辣地，香口惹味好啱送飯。好彩白飯夠大碗，正呀！奶油津白是我最喜愛的上海菜，感覺好像西式的白汁加上中式的焯菜，傳統 fusion 野呢間的奶油汁做得特別好味，睇得出係精心烹煮，有堅持的。而每一條津白都吸收曬奶油的精華，真係好好味架。酸辣湯好足料，有肉絲、豆腐、紅蘿蔔、木耳等等，用料新鮮絲絲入味。湯底稠杰程度控制得宜，唔會太稀亦唔會太稠，啱啱好 carry 到，幾好。而味道方便真係既酸又辣，啱曬重口味一族，唔辣得的人要注意了。八寶茶二人餐包一杯八寶茶，用傳統歎茶靚杯原盎上。一打開已經香味四溢又賞心悦目。足料滋潤又解渴，飯後一杯幫助消脂解膩，不錯不錯。