肆柒食堂

營業中

休息中

星期六啱啱喺附近工廈做完嘢就求其行咗入去呢間餐廳入面，意外發現觀塘工廈區唔顯眼嘅新式茶記，水準唔錯啵~嗌咗個多士餐包杯嘢飲，呢個多士嘅口味比較貼合年輕一代，同以往傳統茶記嘅奶油、奶醬口味相比，佢多咗個黑芝麻味選擇，喺好奇心嘅驅使底下，即刻叫咗份嚟試試佢。 好多人會怕黑芝麻醬好膩好滯，成份厚多個面都搽滿薄薄嘅醬料，雖然味邊唔算好突出但勝在夠出奇不意，最滿意嘅係喺創新嘅同時，又保留到舊式茶記對多士嘅執著。呢份厚多士出爐熱辣辣，用餐刀就可以輕易咁將佢切開，咬落麵包邊脆口，麵包心就軟綿綿，好香口🤤食落好滿足。仲有呀，佢仲提供咗跟餐加配嘅選擇，有得㨂鹽酥雞或者薯條，價錢由6蚊起，我加多咗份薯條，一個人份量剛剛好，值得一讚嘅係薯條係新鮮炸起仲出緊煙嘅。好少去觀塘做嘢，竟然撞手神咁入咗間唔錯嘅茶記，希望再來訪嘅時候可以試到佢嘅午餐，睇下其他食物嘅水準。