永和海鮮酒家

營業中

休息中

天后誕前夕，入嚟逛吓順便飲個茶。見佢啲侍應好似換咗一批，唔知酒樓有冇轉到手。但係食物方面真係同之前有少少分別。水準依舊嘅就係個麻蓉包，菜遠牛腩炒麵，芋角，爽肚，牛肚都係咁好食。最失望係個鯪魚球，之前鍾意你呢度就因為佢個鯪魚球又陳皮同埋蝦米嘅香味，但今次食嘅時候呢兩種味道已經感覺唔到，同埋一咬落去啲魚肉完全唔彈牙，咬即刻散開，灰到一個點。灰開有條路，食埋個燒腩包，佢個南乳醬應該唔記得落糖中和番，鹹到好似成磚南乳擺落口咁食。呢個包其實都係必點㗎，但係今次真係十分崩潰。個沙律蝦角個皮又淋又厚，雖然裏便蝦肉脹卜卜，但係都係扣咗唔少印象分。好彩琳美個桂花糕有椰汁底，清甜又好食，挽回番d分數。最後忍唔住走嘅時候喺收銀問姐姐係咪轉咗師傅，佢話冇轉，咁希望之後再嚟嘅時候可以食返以前嘅水準。如果唔係，都唔知入西貢仲可以去邊度飲茶？