龍逸軒

營業中

休息中

見網上有人推介呢度點心任食放題， book定星期日同太太試試。點心放題種類算多，有30幾40款選擇。最好食嘅都係限點一次嘅原隻鮑魚燒賣。其他點心中較出色油有豉汁蒸排骨，味道調教得剛剛好，沙律醬蝦多士亦炸得非常鬆脆，沒有多餘油份，鮮蝦腐皮卷亦炸得香脆，入口鬆化。另外雪耳魚蓉羹味道鮮甜，魚肉份量多。蜜汁叉燒水準亦算中上，入口鬆軟，如蜜汁味再多啲，相信更加好。椒鹽小排骨及豆腐亦不俗，入口甘香，很好。總括來講，此處炸物較出色，點心上菜速度亦剛剛好，食物上枱時熱辣辣，服務亦不錯。但以價錢來說，每人加一約$300，算是中規中矩。