金雄御車仔麵

營業中

休息中

喺筲箕灣做嘢搵地方食lunch，見好耐冇食過車仔麵便黎呢一間試下，見餐廳裝修得幾新式，都算大間，座位又濶落，唔似一般車仔麵店咁又窄又迫，食都食得舒服啲。同朋友2個人各自叫左自己喜歡既配搭，比較特別既係呢度麵底有瀨粉揀，出面少有啲，一於叫個瀨粉試下。燒鵝瀨粉就食得多，車仔瀨粉就第一次食，比預期好食。豬耳、煙熏鴨胸片、五香牛腩配瀨粉 : 煙熏鴨胸片同五香牛腩都係皇牌必點，整得幾入味，豬耳都炆得好好食。辣汁叫左小辣，辣度啱啱好，湯底香濃。朋友點魚蛋紅腸秘制牛筋 : 牛筋炆都好淋淋而且非常入味，所以都係必點之一。