三星台菜食堂 (The L. Square) (已結業)

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️突然間好想食台灣嘢，就去咗一間以前好有人氣嘅三星✨lunch time去到竟然唔使排隊😍 有午市套餐包一個主食+配菜+飲品，食物質素又keep到水準喎 🙌🏻⭕️ 三星麵 - 呢款入面有齊牛筋牛腱牛肚，啱晒貪心嘅我🐽當中牛筋同牛肚得我歡心，炆得好入味又唔會爛晒破壞質感👍🏻 湯底麵底都有得自己揀，我就揀咗紅燒同埋刀削麵。湯底夠濃甜甜地好味，刀削麵軟硬度啱啱好煙煙韌韌，正！⭕️ 台式炸雞排魯肉飯 - 一上枱已經覺得顏色配搭得好靚😍 雞扒熱辣辣新鮮炸起，食落香口唔會過油，加上唔孤寒嘅魯肉同埋啲流心蛋酸菜漬物，啖啖滿足🤤⭕️ 肉鬆皮蛋豆腐 - 呢個就a la carte叫嘅💁🏻‍♀️ 豆腐好夠滑，雖然豆味唔算重，但係加埋台式醬汁同埋大量嘅肉鬆，再加埋溏心皮蛋，呢個配搭冇得輸嘅😌呢餐絕對滿足到我想食台灣野嘅craving 🙆🏻‍♀️可以encore 🐽