Wing’s Kitchen (已搬遷) 新店位置

同fd行街途經哩間西餐覺得幾有特式幾靚，選擇左入去醫肚。餐湯，有蜆肉仔和紅籮白，味道清新。天富羅軟壳蟹咖哩意大利麵($138)，上菜已聞到濃郁既味道，入口時咖哩味更濃，好正~，帶有少少微辣，軟壳蟹鬆軟，而且粉漿亦夠簿香脆。水牛城雞翼($88)，值得order既小食，每隻size都好大隻多肉，味道有蒜香，同埋我感覺上有d近似椒鹽既味道。Margarita Pizza($98)，蕃茄汁配pizza一向係最夾，依家仲有原隻蕃茄肉，更加提升蕃茄既味道。Pop-eye Pizza($128)，有2隻蛋黃篤佢流晒d汁落餡料到，好滑流，用菠菜黎制作pizza比較少有，餅底方面2個pizza都係採用簿批，好香脆。甜品，係跟餐的，有揶汁和奶既味，加上少少朱古力醬。