王家沙 (已結業)

(1) 蟹粉小籠包：order後3分鐘就送上，表皮異常雪白。朋友認為番蒸，d皮硬哂；我則認為未熟透，所以皮唔軟唔透﹝佢哋一向sell皮薄﹞。向侍應反映，換過一籠，點知仲衰！皮依然雪白，食落去有d硬，朋友嗰個仲有麵粉粒添！再反映，部長話係咁樣喎，包頂轉位係咁…堅持無問題！爭持下佢提出取消，我哋唯有接受。(2) 酸辣湯雲吞：普通(3) 蕃茄莧菜：普通﹝以前好好味﹞(4) 服務亦差：根本無意向廚房反映或查詢籠小籠包係咪有問題！收咗我份載住未熟小籠包嘅碗連湯匙後又無回頭；叫侍應俾番我…　又淨係俾碗，完全唔用心！