Rosie's Cafe by cafe company (已結業)

今日天氣炎熱，諗住舒舒服服咁去個有冷氣既餐廳食個下午茶，就黎左呢到。同朋友分別叫左兩個tea set, 講真呢到d野食唔平，質素都唔值，但勝在坐得舒服。朋友叫左三文治加抹茶角，三文治不過不失，但薯條一d抹茶味都冇，只係普通薯角。但我地食完呢個餐之後另外個餐遲遲都未到，朋友叫我再等下，但今日係星期四，人流又唔多，唔明點解要咁耐。我叫果個係蘑菇批餐，叫之前店員係冇同我講製作需時，meun上都唔見相關字眼。但我地至少等左二十分鐘以上（係講緊食完個三文治之後開始計）。到最後我忍唔住催店員，個位藍色恤衫既男店員隔一陣就即刻拎左個餐出黎，咁我唔知係唔記得出餐定咩啦下，到最後一個人都冇同過我講一聲唔好意思，好似老馮咁！到呢個時候已經冇心機食，食唔出咩味道，一心過黎輕鬆下，點知一肚氣，永遠blacklist，講完。