Rosie's Cafe by cafe company (已結業)

下午茶時間到，喺沙田見到一間心宜cafe，就入咗去叫咗個甜品−雜莓pancake。以前嘅選擇比較多，依家係甜品方面選擇唔算多。餐廳環境舒適，唔擠逼。食物質素方面，pancake 熱辣辣，已經為佢首先加咗分！因為佢係用pan盛住，所以可以將溫度保留。Pancake本身都係好軟熟，表面有忌廉，然後就係士多啤梨同埋其他雜莓，最後再有士多啤梨醬。整體方面，Pancake甜度啱啱號，而且水果同埋pancake一齊食，味道會更+！

這是一間值得推介的餐廳，因為食物幾好食。這已是我第三次的光顧，今天吃的 牛油果蟹肉他他好食， 蝦pizza都唔錯，蝦肉好嫩。 呢間餐廳食物很多都不錯， 雖然價錢有啲貴， 但如果在新城市廣場來說間間已是差不多。 有得儲asia miles亦是一大賣點。這是一間值得推餐廳，因為食物幾好食。這已是我第三次的光顧，今天吃的 牛油果蟹肉他他好食， 蝦pizza都唔錯，蝦肉好嫩。 呢間餐廳食物很多都不錯， 雖然價錢有啲貴， 但如果在新城市廣場來說間間已是差不多。 有得儲asia miles亦是一大賣點。

是日午餐食肉眼扒，店員問我幾多成熟我話要50%啦，上菜佢都話係50%嫁點知一切中間乾到爆，我就十分失望了咁我又廢事同佢爭論啦，但係咁講啦，呢知價錢路叫貴既係沙田新城市入面，但係問得人幾多成熟，結果做唔到之餘仲要煎到乾晒，真係好失望囉咁佢唔識控制火候，佢就好心唔好比人揀，講真冇得揀都唔會令我想比個差評佢..............................

今日同同事補祝生日，選了這間有pancake甜品的餐廳。本身打電話想預先寫生日祝賀字在甜品碟，但原來只有Hot Cake才寫到字，但這餐廳Pancake較出名，所以最後叫了雜果Pancake。果然很美味，自行加蠟燭慶祝一樣無問題。AEON card仲有九折，除午餐訂座時間外，有得儲里數。我地另外食了一個Lunch set，蛋包公仔麵，好好味。因為好少係配麵，所以試下。很驚喜，甜甜的，蛋香滑，仲有少少沙拉菜，但走左之後先發現店員忘了上餐飲咖啡 >< 下次要叫佢補返呢間可以再去！

其實之前都有黎食過 不過今次食埋甜品真係好正呢~今日三個人黎食 都食到好飽呢不過等位就耐左少少啦~第一碟出現既係焗墨西哥粟米片 脆卜卜個醬好好味 一路傾計一路食HA之後係醬燒豬仔骨 食落總係覺得差少少野不過可以再淋多少少就正啦然後係香蒜煙三文魚薄餅薄薄既餅底好易入口 唔覺唔覺又食多塊呢 XDD最後黎既緊係甜品啦~沖繩甜薯茸&黑糖班戟同士多啤梨雜莓果醬班戟兩款pancake 都好好食~ 食完都即刻話下次要再黎食過 

食過幾次，每次都捧明太子意粉場。但每次食都比上次差一點點，不過之前還可接受。但這次就很差了，以前明太子弄成的醬汁是很多的，可以沾滿每一條意粉，很惹味，又有紫菜和，溫泉蛋及法包，和風fusion味很重。但現在已經是干爭爭一碟，再配上一點櫻花蝦扮和風，明太子少了很多，像干啃意粉了。很失望！Cut Cost Cut成這樣，基本上是連菜式也換了。另外點了一個 明太子蟹肉沙律pancake，菜很多，明太子醬沒有很多，蟹肉是碎來的，大既只有數克重，找了良夠才發現有一點點蟹肉躲在角落。味道當現吃不出是明太子蟹肉味，這樣就收你90大元。很不值！味道也不特別，就是沙律菜PANCAKE。這餐廳是如何的度縮。

好耐有出過這間食店，所以趁星期日約中午12點冇人排隊，決定入去食。因為係午餐，所以主力入去食飯，兩個人叫左兩個飯，分別係牛肉塔可飯同牛油果蟹羔蟹肉他他飯。鍾意這間店係因為食飯之餘，又有不少菜食，而且唔係普通既羅馬生菜，仲有火箭菜、牛油果等貴價沙津菜，所以對女士來講，幾吸引。牛肉塔可飯因為有薯片的關係，所以一邊食，一邊會有脆卜卜的口感，各款食材既份量差不多，但薯片味較搶，所以適合鍾意食薯片的人。而牛油果蟹羔蟹肉他他飯既醬好好味，伴埋沙津菜同飯一齊食，好惹味，只係唔係好覺有蟹羔味。好多時會俾佢既外表欺騙，以為好細碟，但菜只係表面，底下仲有飯，所以兩個人食都好飽。不過印象中，價錢好似貴左不少，但以食材份量及環境加起來，仍然可以接受既。

不經不覺已經第三次幫襯呢間餐廳， 除咗佢食物，環境ok， 坦白講 ，其實最主要嘅原因係因為佢有儲里數。所以重複嘅嘢就唔想多講喇， 今次叫新嘢 parma ham pizza， 很有驚喜， pizza底很香脆， 材料很充足，好食。芝士肉醬焗薯，正常好食。豬肋骨， 只係覺得個汁唔夠好味， 同埋覺得焗到個汁很乾身， 但係個汁 就係個靈魂， 影響了豬肋骨嘅整體 味道。黑松露risotto， 呢個黑松露聞上去嘅香味弱咗少少， 食落去 都係有好香嘅黑松露味， 所以都係好食。題外話， 相信呢篇正面食評 會比較容易刊登， 而家喺openrice刊登負面食評 原來唔係咁易。 大家睇食評要衡量一下啦。

雖然待應話叫任何野都得，就算一杯飲品都算一份！最後叫左份甜品。在場還有一個媽媽和手抱的小孩，枱面明顯是一份set lunch 加多一杯額外的飲品。相信遭遇和我們一樣吧！落單時候先知道這條奇怪的規則吧！如果有專為小孩而設的餐單，入座前就知有這種規定還好。現在有種被欺騙的感覺。食物味道算ok吧。環境寬敞，因為無乜人，想信來一次後再來的人並不多。待應態度有待改善，首先帶位的人不見了，眼看空位多的是，又不讓客人自己選位置。可能待應怕走太大範圍，不好吧！算了，並不是一間友善的餐廳。

係沙田唔知食乜好就畀門口嘅pancake相吸引咗入去梳化位又幾好坐👍叫咗個燒汁蛋包飯幾惹味 不過我嫌啲汁偏咸 少少汁就已經送到好多飯😂另外當然唔少得今餐嘅主角pancake啦揀咗dutch baby pancake 即係類似原味咁樣 不過配料都幾多除咗面頭有吉士醬之外仲有3兜野: 檸檬 cream cheese 同埋糖漿我全部野都落哂落去 糖漿就只落咗少少個味好夾 好好食要挑剔就係份量啦 一個人食太漏 兩個人食又好似唔多夠喉咁不過係好食嘅！

第一次食咸嘅pancake，出乎意料之外地好食因為掛住食個意粉，個pancake其實已經放咗一段時間，所以已經唔熱，但因為佢係鐵板上嘅所以未致於凍晒嘅可以睇到煙三文魚同牛油果都係好足料👍🏻我第一啖淨食個蛋餅，蛋香味係有嘅，同埋竟然......係甜嘅？！我好中意呢種甜蛋嘅味道，好似日本玉子卷咁，如果再厚少少口感應該會更加好唯一要改善嘅地方係d沙律菜有少少唔新鮮咸嘅配料 甜嘅蛋餅 對我黎講係幾新鮮嘅配搭但又幾match幾好味架啵

..............................今次上網搵沙田嘅野食，見佢價格合理，諗住cafe嘅裝修會坐得舒服啲，所以就試吓。.我今次揀嘅係櫻花蝦水牛芝士番茄薄餅，聽落去唔係好幻想到佢嘅味道。當pizza到果陣，原來櫻花蝦係好香嫁，一塊長方形嘅pizza唔算好大塊，一個人都應該可以食得曬。.Pizza皮係薄身，焗到個皮邊幾脆口。不過我覺得食落櫻花蝦同芝士味都唔夠突出，不過係夾嘅，可以試下。

好耐之前去過呢間餐廳食甜班戟，記得都幾有水準，今日行過新城市揾野食，就再去試下。今日吾想食甜野，就點左個咸味既明太子沙律班戟。雖然係咸味材料，但同微甜的班㦸味道都好夾，班㦸吾係脆身嗰隻，似食薄身蛋糕，但都好味。另外點左卡邦尼意粉，夠creamy但吾會好傑，咸味又剛剛好，唯一係份量少左啲。就係因為主菜份量吾多，兩個女仔可以叫多個小食。我地叫左個墨西哥脆片，脆片混合三種醬料，有牛油果,沙律醬同辣茄汁，當中牛油果醬同脆片最夾，不果如果醬汁可以分開上就好啲，吾洗幾隻味道夾埋一齊。

座位好迫 我地2個女仔去食飯 見到角落有個大概可坐3人既梳化位 問個服務人員可唔可以坐 佢話一定要3人先坐得 但果晚全場只得3、4枱客 點解死都唔比我地坐 仲要一定要安排有客既旁邊比我地坐 枱與枱之間好埋 所以成晚好難傾計。講食物 叫左2款意粉 好普通 意粉又硬 另外叫左份炸雞 都可以 過得去 野食唔算貴 但可樂要$38一杯 應該唔會再去

我同5歲仔仔食lunch⋯叫左一份肉眼扒set ，跟著女侍應話公司規定，要每人叫一個餐，我心須諗一個5歲小朋友好難食晒一個餐，都算了，我叫了二個餐。但牛扒靱到連我都咬唔開，可況小朋友。另外食物，咖啡都好難食好難飲，好失望