雲貴軒米線專門店

營業中

休息中

工作原因入咗元朗朗屏邨附近，lunch time又唔想行咁遠，唯有喺朗屏商場搵嘢食。呢間餐廳一睇就知係食辣，雖然我唔係好食得辣，咁啱呢排胃口麻麻，食小小辣嘢刺激下又無妨。集團式經營連鎖店，地方都算乾淨企理嘅。我點咗一個四川酸麻紅薯粉(微辣)配豬腩肉$45+凍飲$3。對我嚟講湯底微辣都仲幾辣下。豬腩肉係入味嘅，不過鞋咗啲。紅薯粉尚算爽口彈牙，仲有炸醬、花生、榨菜同芫茜等配菜。份量個人認為唔算多，價錢就同一般茶記食個快餐lunch差唔多，抵唔抵食就見仁見智。