稻香 (蔚景園)

營業中

休息中

又畀阿媽捉咗去飲茶，星期日呢間唔使等位而且地方好大。 星期日好忙，服務員都好忙，所以冇乜服務好講，但係都體諒辛苦工作嘅服務員。佢嘅食物都算係好一般，食得入口囉。 有幾個點心係特別差，我捉咗佢出嚟鞭屍😆金錢肚👎🏻金錢肚比較少，而且唔夠入味。好多豆腐卜墊底， 豆腐卜好油淋淋，都係唔夠入味。蒸排骨配菠蘿👎🏻我鍾意食菠蘿，但係🍍分量比較少，就只有兩小粒，而且排骨都好瘦削。 啲排骨都唔爽嘅。薑醋👎🏻實在太甜，得個甜字，而隻蛋都唔入味。 一啲都唔夠薑喎。燒賣👍🏻比較好少少係燒賣，蝦好大，好爽口兼且彈牙，都幾好食👍🏻叉燒包👌🏻中規中矩啦， 食到依度已經無欲無求啦。當係陪下老媽子啦。