江蘇銘悅

營業中

休息中

聖誕節期間日日都食西餐，今日lunch 轉下口味去左上環「江蘇銘悅」食中餐，午市套餐每位$388元起，有前菜、1碗熱湯丶2個主菜同包點，環境高級有貴氣，店員服務週到，不時會加茶同換碗碟。前菜有齊經典款式江蘇菜：脆皮香菇素鴨、蔥油海蜇頭、魚籽燻蛋、麻香馬蘭頭、雙色肴肉同雞頭米甜豆，賣相好吸引，而且一次過試哂咁多款冷盤前菜，開胃又滿足。熱湯我就揀左螺頭燉雞湯，足料又滋補，補而不燥。2個主菜size 超大份，甜豆蝦仁好新鮮彈牙，加埋一粒粒青色既甜豆，本身會有甜味，清甜又爽脆。鹹肉高山菜係比較清淡既菜式，湯色潔白，配埋金華火腿提味，唔會過鹹搶走高山菜既甘甜味最後仲有生煎包，煎到脆卜卜，熱辣辣好香口，一咬開立即爆哂汁。