江浙滬 (京華大樓)

營業中

休息中

一入門口有店員話坐低咗先掃安心出行，坐低後問店員攞紙仔填，有個年紀較大光光地頭嘅叔叔店員話麻煩到佢要畀紙仔我！個客唔填嘅話突擊查起上嚟大家咪仲麻煩，呢啲倒米阿叔級員工😐 果位叔叔幫我落完單比完張紙我填之後就斟咗杯茶畀我，一眼已睇到杯茶好油，再望吓每枱都有一壺茶，見其他店員忙緊執大閘蟹，唯有叫返果位叔叔畀壺茶我，點知個叔叔居然話 “你一個人唔使要壺茶啦！”，我望望張單係有收加一服務費，咁我就話 “佢哋餐具好油膩，洗唔乾淨，就算就咁望隻碗都好油，係要壺茶洗而且你地咁忙喺度搞大閘蟹唔使等你地得閒先斟茶畀我”，果位叔叔居然話 “你要茶咪畀你囉，我哋實有茶嘅，你又要紙(代替安心出行嘅紙仔)又要茶，麻煩！”，唔知嗰位老叔叔係員工定老闆，態度超級衰，不管銅鑼灣呢間抑或油麻地嘅分店，都係只此一次，永不幫親！價錢喺銅鑼灣嚟講快食一餐算係平，菜肉雲吞啲肉好鹹好重味精，酒釀丸子好一般。 雖然呢啲小店我唔期待你好乾淨，但唔該都有啲誠意，不管枱面同餐具全部都好油，員工依頭執完碗，嗰頭分大閘蟹， 再揸住個碗邊上菜，好污糟！！