金禾茶餐廳 (已搬遷) 新店位置

路經此地，又想食鹽焗雞，見佢地有得食，重要係招牌菜式，於是抱著期待既心情入內一試。點了金牌鹽焗雞飯及凍奶茶，好快就有得食，賣相還可以，但食落就好普通，奶茶一樣唔得，無咩茶味。旁邊食客對其他食物亦顯得不什滿意，確實，此處的食物只能幫你充饑，而不會令你食得滿足。唯一符合預期既係佢擠迫既環境。每個座位都被安排妥當，絕不浪費任何空間，香港目前租金貴絕全球，如此安排亦無可厚非，食客們亦十分配合。但它和對面的金鳳一樣，錯過了亦絕非壞事，試過你只會想知點解咁既食物質素，仲有人再去迫？