影片
更多
2010-08-29
23 瀏覽
行過呢間食店好多次, 但唔知點解師傅一次都冇試過, 上個星期無意間上黎呢度搵野食, 見到呢間食店見到呢度評分唔差, (當然亦唔係太高)於是師傅決定放飯時黎會一會佢, 睇下佢到底有幾多料先!入到去呢間食店, 見到地方幾大,人亦算唔少, 師傅求其搵個位坐底, 立即睇下有好咩食; 餐牌都有幾多, 而且花多眼亂, 不過有d餐都幾得意, 皆因喺12點9前埋單仲有特價, 但師傅思前想後, 既然黎得一間掛名係越南餐廳, 咁當然要試下越南湯河啦, 於是師傅就柯打左碗生牛肉湯檬, 而餐飲就要一杯凍檸茶!落完單後凍檸檬茶率先登場, 速度之快就好似坐喺吧頭咁, 嗰頭落單嗰頭就有得飲, 而凍檸茶嘅茶底一般, 唔多夠濃茶味欠奉, 而檸檬亦唔見得新鮮, 整體好一般; 等多一陣生牛肉湯檬登場, 先睇賣相師傅就覺得麻麻, 唔夠吸引, 於是再試下湯底發覺湯底唔香唔甜唔濃, 十分唔擔, 雖知道湯底仍係一碗檬粉嘅靈魂, 家下湯底咁差, 絕對影響食慾; 師傅又懷著一夥唔多願意的心情, 唯有繼續完成埋餘下嘅賽事啦; 坦白講生牛肉攞到出黎時已經唔生, 而牛肉入口唔鮮甜, 以薄切牛肉嘅肉質黎講絕得韌同鞋, 好一般; 而檬粉比師傅嘅
入到去呢間食店, 見到地方幾大,人亦算唔少, 師傅求其搵個位坐底, 立即睇下有好咩食; 餐牌都有幾多, 而且花多眼亂, 不過有d餐都幾得意, 皆因喺12點9前埋單仲有特價, 但師傅思前想後, 既然黎得一間掛名係越南餐廳, 咁當然要試下越南湯河啦, 於是師傅就柯打左碗生牛肉湯檬, 而餐飲就要一杯凍檸茶!
落完單後凍檸檬茶率先登場, 速度之快就好似坐喺吧頭咁, 嗰頭落單嗰頭就有得飲, 而凍檸茶嘅茶底一般, 唔多夠濃茶味欠奉, 而檸檬亦唔見得新鮮, 整體好一般; 等多一陣生牛肉湯檬登場, 先睇賣相師傅就覺得麻麻, 唔夠吸引, 於是再試下湯底發覺湯底唔香唔甜唔濃, 十分唔擔, 雖知道湯底仍係一碗檬粉嘅靈魂, 家下湯底咁差, 絕對影響食慾; 師傅又懷著一夥唔多願意的心情, 唯有繼續完成埋餘下嘅賽事啦; 坦白講生牛肉攞到出黎時已經唔生, 而牛肉入口唔鮮甜, 以薄切牛肉嘅肉質黎講絕得韌同鞋, 好一般; 而檬粉比師傅嘅感覺係唔係檬粉, 直頭係瀨粉, 雖知檬粉同瀨粉本身都好似, 但呢碗檬粉入口較硬而且唔滑, 絕不討好, 最重要係冇是拉差辣椒醬, 雖知是拉差辣椒醬係越南河的最佳配搭, 沒有是拉差辣椒醬令師傅嘅心情真的跌進谷底!
總括黎講食物質素普通, 地方普通但坐得舒服, 價錢都唔貴, 三十蚊一個餐包杯餐飲, 可以啦; 師傅覺得如果呢間食店係以越南食物為主打, 就一定唔合格, 但看來呢間食店係走緊一條港式茶餐廳路線, 所以能有咁嘅水準, 絕對收貨! 笑臉就一定比唔到, 但師傅一定會比多次機會呢間食店, 皆因想試下d港式炒飯麵係咪咁掂!
張貼
