越棧越式湯粉專門店 (已結業)

要講到太古食野既選擇並唔多，特別係價錢相宜既茶餐廳就更少之有少。病已重，加上身家已用完，只有等到2時特價時段途步吃越棧。雖然餐廳叫越棧，但不算是越南餐廳，反而午飯時間提供係大部分茶仔既碟頭飯。呢間平民餐廳既午市分左幾個時段，1245前離座又或者1400後入座午餐只需$29，相反1245-1400需要$36，價錢就唔值其質素了。點了馬拉盞雞球炒河($29)，配熱檸蜜只需加($2)。我也算是越棧的常客，亦知道質素十分海鮮。幸好今次河粉是即炒，亦不算等得太久。但有時候炒河1分鐘即送上，而且有點冰冷感。馬拉盞不辣，只是比較入味的獻汁，配上雞球確不俗。雞球吃得出是普通貨式，但份量不算少，還可以。但吃下河粉時，竟發現有不少透明硬了的河粉在碟中，影響了整體既食物質素，確是敗筆。唯熱檸蜜味道不錯，是比較細杯。不是病人的食客也可點凍檸樂，亦是只加$2更分開了ColaCola，誠意可加。環境是這裡最大的優點，縱使午市人很多，但大多數時間亦能被安排卡位，亦有多部電視和落地破璃。對食物要求不高，但希望舒舒服服吃個午飯的人來說，越棧是在太古區的選擇。

當日晚上8點幾..同班同事放工一齊食個飯...點知好多餐廳都冇位....就去越棧啦.....當我搵好位坐低既時候...都見到d員工一係睇電視一係吹水....跟本唔想認人...當我同d同事揀好左食咩之後....就落單啦...就叫左個經理啦....當時個經理個表情好明顯地係好唔想幫我地...好一副唔耐煩既表情...呢個都算啦....之後...其中一位同事就叫左雞扒鐵板....但係就想轉番做什扒(當時係落左單唔夠3分鍾)...就叫番個經理過黎想轉番...點知..我地聽到既答案既竟然係一句"落左單啦wo..."...當然..態度都係十分差...之後我就問番佢..."唔可以轉番嫁咩?"點知佢就好惡咁話番我轉頭...."落左單..整緊嫁啦...要問下師父先"...呢一刻真係好嬲...之後見佢都問都冇問個師父就咁行開左....跟住我地等左勁耐...d野都未到....就搵另一個待應問一問啦....點知個侍應望左一望我地...就行開左...冇理過我地....跟住就我見到佢原來係厘埋一邊起到食橙...真係火都黎埋...之後我同事個鐵板最後都係冇轉到....就比左雞扒佢...問題就係轉唔轉到...係唔係應該

每次黎越棧都係咁有鑊氣，勁！之前呢度做緊扒餐$19.8，廿蚊都唔駛，真係好抵；不過而家就通漲左，雖然三十零蚊，但冇餐湯冇餐飲，另加要俾錢，似乎唔係好抵，所以今次唔食扒！今次order左越式肉片湯檬，福建炒飯，沙爹干炒鮮魷檬，蒸粉包，蒜容焗青口！ 越式肉片湯檬：不過不失，個湯底同肉片幾入味！ 福建炒飯：估唔到咁好味！水準比有名氣的酒樓還更好！多料唔在講，個獻又調較得岩岩好，唯一唔好就係，個飯底如果係炒飯，或多番少少炒蛋就更加perfect！ 沙爹干炒鮮魷檬：賣相幾有睇頭，但食落冇味！幸好魷魚算大件兼足料！ 蒸粉包：皮薄餡靚，加埋蒜片和蔥，仲有札肉絲，蘸埋Ｄ越式甜辣汁，真係好好食！ 蒜容焗青口：一碟半打，大大隻又入味！

都好耐無黎依間野食野, 今次試下個套餐(未試過), 係一個2人晚市套餐.跟上枱次序:******************************先黎左2大碗河粉. 真係好大碗, 我好少見到有咁大碗既. 睇相可能唔覺. 真係實物果碗好大. D雞絲都OK, 不過都係鐘意D河粉同湯多D, 可能係我個人喜好, 我鐘意食D軟滑河粉, 而D湯要多同夠濃.******************************跟住先上D餸:先黎一碟西蘭花抄由魚片, D由魚片幾爽口.再黎一碟春卷同猪肉片, 跟一碟生既菜. 不過我地都無用到D菜, 就咁食D春卷同猪肉片. 唔覺得太特別.最後黎一碟燒蝦. 依個OK好食. 襯熱食好食D.******************************跟餐有甜品, 係凍左D, 一般.******************************叫左2杯野飲:我飲果杯有雪糕, 係加左雪糕球同椰汁既野飲, 裡面有D紅豆, 綠色既硬硬地既一條條既野, 同埋底下仲有D野咁. 唔好意思, 我真係好少飲依D野. 所以唔知果D野叫咩名.我朋友飲果杯係黃黃地色既野.**************

好耐無去越棧啦咁...生日就去食食啦點知...差咗好多...依家變咗茶餐廳一樣除咗越南嘢食,仲多咗臘味飯/羊腩煲,好多中式嘢原本叫法包, 話無, 只有蒜蓉包咁好,就蒜蓉包啦嘩, 都潮濕晒(放得耐)只有魷魚沙爹串最好其他咖哩什菜煲/越式茄子雞煲,都...第日都少去啦

假期的好處是可以盡情睡覺，加上兒子不在港，夫婦二人愛幾點吃午飯也沒所謂，隨心所欲。年初三仍有部份食肆未開門營業，老公話已很久沒有去住處附近的「越棧」，提議到那裡吃下午茶。其實來這兒吃下午茶餐確有點神秘感再加點撞彩數，事緣「越棧」的超值下午茶餐牌共分四組，每組有 6 個選擇，由 A-F，每天只會供應餐牌中的其中一組，不過四個餐牌會全放在餐廳門外，而且門外餐牌上亦沒有任何提示當天店內會供應那組下午茶餐，除非你事先查詢才內進，否則大有可能是當你對某一款茶餐有興趣，入餐廳坐下後，才發現原來當天並沒有該款特價餐供應，就會有點掃興。這裡另一件令人匪夷所思的事是餐廳早年為了推廣，印製了大量的下午茶餐及早餐優惠券，並且在街頭分派給附近的行人，不過這舉動已停了大半年。由於當時我拿了一大叠回家，這次拿着問侍應是否仍然可用，答案是此優惠券雖然現已沒有派發，但只要在優惠券價錢上補加 $1， 則此券仍然適用，而且在我倆用此券點餐後，亞姐即時在我們面前把券撕爛，以示作廢，真看得人目瞪口呆。其實老公最愛是這餐廳的炸物，尤其是它的酥香炸雞脾 ($19)，一直深得老公愛戴。其即炸的雞脾，外皮雖未至於十分鬆化，不過它的精

今個聖誕節自己一個人食午餐,本來想去澳門茶餐廳,但見有條人龍,所以選擇了越棧.冷氣開得太大,食物未送上我就先要求轉座位.我點了豬頸肉干炒檬同奶茶. 食物一般,豬頸肉太少,味道還可以.12:45PM前離開價錢更平,比較抵.

$32。蜜燒豬頸肉凍撈檬、熱檸茶超大份量豬頸肉是未完全切開的，上台還以為是豬扒，有成10塊，又厚又大塊，燒得香香的，豬頸肉邊位還有點微焦，微脆，正檬粉份量又勁多，略嫌個汁唔夠酸

行過呢間食店好多次, 但唔知點解師傅一次都冇試過, 上個星期無意間上黎呢度搵野食, 見到呢間食店見到呢度評分唔差, (當然亦唔係太高)於是師傅決定放飯時黎會一會佢, 睇下佢到底有幾多料先!入到去呢間食店, 見到地方幾大,人亦算唔少, 師傅求其搵個位坐底, 立即睇下有好咩食; 餐牌都有幾多, 而且花多眼亂, 不過有d餐都幾得意, 皆因喺12點9前埋單仲有特價, 但師傅思前想後, 既然黎得一間掛名係越南餐廳, 咁當然要試下越南湯河啦, 於是師傅就柯打左碗生牛肉湯檬, 而餐飲就要一杯凍檸茶!落完單後凍檸檬茶率先登場, 速度之快就好似坐喺吧頭咁, 嗰頭落單嗰頭就有得飲, 而凍檸茶嘅茶底一般, 唔多夠濃茶味欠奉, 而檸檬亦唔見得新鮮, 整體好一般; 等多一陣生牛肉湯檬登場, 先睇賣相師傅就覺得麻麻, 唔夠吸引, 於是再試下湯底發覺湯底唔香唔甜唔濃, 十分唔擔, 雖知道湯底仍係一碗檬粉嘅靈魂, 家下湯底咁差, 絕對影響食慾; 師傅又懷著一夥唔多願意的心情, 唯有繼續完成埋餘下嘅賽事啦; 坦白講生牛肉攞到出黎時已經唔生, 而牛肉入口唔鮮甜, 以薄切牛肉嘅肉質黎講絕得韌同鞋, 好一般; 而檬粉比師傅嘅

是日黎到鰂魚涌呢邊睇戲之餘當然唔放過搵食的機會。因晚市關係,原本諗住去吃野果度排長龍,故此要四周搵地方,眼見呢度有扒餐供應,價錢都相宜如是就決定一試。店鋪面積好寬闊,走廊位都乾淨沒有任何雜物阻擋,座位方面絕對充足,所以都可以隨便搵位坐。在炎炎夜間呢度的空調環境很舒適,有良好的進食環境。部長叔叔亦很快送上茶水。冠軍扒餐標明即叫即整(繁忙時間需時20分鐘以上),可選配瑞士汁或黑椒汁, 價錢分為＄29.8 和＄26.8兩種, 湯及熱飲加5蚊, 凍飲就加＄7。周圍的客人大部分都選扒餐, 睇黎好收歡迎, 故此我都揀左個沙丹豬扒, 出餐時間都約莫4個字。沙丹豬扒($26.8): 3塊豬扒加1塊蛋及幾條薯條, 即叫即煮所以溫度方面附合要求。薯條炸得很夠脆, 可惜的是除了脆感就什麼也沒有, 薯仔味欠奉, 幸好每張台擺的配料都充足, 可以拎茄汁。跟餐配的是瑞士汁, 但明顯望落去係蒜汁, 好多蒜粒舖左係面, 濃濃的蒜香反而蓋過食物本身的味道。如是另外問侍應拎左碗黑椒汁, 黑椒汁很香。3塊豬扒表面看上去沒有燶, 吃落口時肉汁實屬遍少, 肉質少了點鮮嫩感。整體黎講, 呢個餐的份量蠻算足夠, 味道方面就可圈可點

其實之前都同朋友食過幾次豬扒包 :吾貴味道都幾好加上吾好睇佢好似細細地我依個女人仔食左半個已經有d飽意春卷 :我想食春卷好耐依到d春卷都吾錯嫁!加埋生菜食一d都吾覺得熱氣!加上佢地比既生菜真系好夠又好新鮮好完整(我食過1間d生菜得雞碎咁小-_-又有1間d生菜溶溶爛爛)佢有好多下午茶餐真系好抵上次食果個蝦多士都好好味!有機會我會再去食

越棧嚴格嚟講啲食品唔算出色，都係一啲大路嘢，不過勝在街坊價錢，而且座位也算舒適寬倘，又有電視睇，可賺回些少分數。昨晚打完邊爐，今日想食得輕一點，加上亞仔又同啲friend去咗唱 K, 所以決定同老公嚟呢度食下午茶餐。今次就點選咗：煙肉沙律蒜蓉包 ($15) --- 蒜蓉包烘得幾脆，可惜沙律上嘅煙肉粒太硬吞拿魚卷 ($17) --- 其實係用一塊麵包卷住啲吞拿魚醬嚟炸，外皮炸得好脆口，不過吞拿魚醬就太少了香煎雞扒包 ($17) --- 個包係無問題嘅，同平時食開嘅豬扒包一樣味道，可惜塊雞扒太乾太嚡喇反而抵讚嘅係杯熱檸水，咁細杯都落足4片檸檬。不過如果唔想食包或煎炸嘢，可以叫佢嘅越式湯粉餐，有扎肉火腿、雞絲或生牛肉等，都係$16碗。我每次去食下午茶餐都見到好多對面吉之島嘅職員上嚟食嘢。另外越棧晚上會有扒餐供應，逢星期一至五 價錢分為$26.8及$29.8。扒餐就包括有牛扒、豬扒、什扒及龍脷扒等。啲扒餐我試過就麻麻喇，大家樂嘅牛扒餐肯定做得比佢好，不過個吉列龍脷扒就的確唔錯，塊魚雖然唔係乜嘢新鮮貨色，但佢炸得金黃鬆脆，點上沙律醬或茄醬同吃，美味無比，越棧始終都係煎炸嘢取勝。

平時都有黎越棧食下午茶，食物質素就一向都麻麻地，服務當然就唔係好，但勝在唔使等位，價錢都算相宜，所以一直都有幫襯。但今日食過之後，就真係唔會再食lor!因為真係太谷氣了。我朋友到佐先，自己叫佐個茶餐。我個friend叫我唔好叫某個待應姐姐，因為好似未訓醒咁，講幾之都話唔知佢叫乜。(但佢只係叫一個雞翼西多同熱奶茶lor) 所以我叫另一個亞姐，呢個亞姐仲厲害呀。佢行行下過黎，然後又走佐，原來去同另一個亞姐講埋幾句先。吹完後過黎，我咪叫我的茶餐，講一次話聽唔到，又叫我講慢d。我心唸，而家你係我老闆咩，又要咁又要咁先落到單。咁我咪大聲d同指住個\餐牌lor，跟進亞姐叫我唔使咁大聲，佢唔係聽唔到，只係佢唔係係到做，唔識落\單。哇!!真好笑呀，你唔係係到做???咁你係到做咩呢??我咪叫佢，唔識的咪唔好行埋黎落單lor..!!!!佢就不斷咁"超"住我，重覆咁話我知佢唔係做呢樣野!!!跟住一邊去攞餐具，另一枱客又好得閒咁搭咀，話係lor，佢都唔係係到做!!!唔該越棧的待應姐姐，唔係或者者唔識或者唔想做的，一係就係額頭寫住自己只負責乜野，其他野免問...一係就唔好做吧!!不需要同d客講自己唔係係到做lo

第二朝早上小弟要到機場，所以雖是星期五晚，放工後只能與同事二人到附近找個地方晚餐。本來一心想吃日本菜或西式鋸扒，但不論價位高低，所有餐廳也大排長龍，最後輾轉來到越棧來個快餐吧。越棧店面頗大，可容百多人，而且座位很寬敞，卡位也多；可惜位處二樓，未開餐先要做做運動沿長樓梯拾級而上。餐廳樓面較為昏黃，沒有很特別的裝修，但抬頭察見吊燈邊裝上四把葵扇，模仿成吊扇般，雖只是裝飾而沒有實際用途，但畢竟也算有心思。食物方面，這裡除了有一般越式食品外，還有中式套餐，炒粉麵飯以致煲仔菜也一應俱全。最厲害的還有各類西式鐵板餐，由於價錢相宜，故吸納了不少食客來此鋸扒。小弟由於不太餓，所以只點了個湯粉，而同事則如願以償地點了個鐵板牛扒餐，最後再加個小食便成。 香茅豬扒湯河：豬扒肉嫩香口，河粉亦軟硬適中，而上湯配合青檸辣椒也有越南風味。未算做到一試難忘，但整體質素也達標，不錯。 串燒：點了半打，可選兩種口味，最後我們選了牛肉及魷魚。牛肉不是一般串燒用的牛肉，而是一般中菜用的牛柳粒，味道及感覺皆很奇怪；魷魚則比較韌，而為了遮掩雪藏味道，似乎刻意用上比較濃味的醬汁。 唯一可取只有混了生果粒的沙爹醬吧。 鐵板黑

太古城附近真係無啖好食。呢間雖然唔算好好味，但食物質素不錯，價錢相j宜。所以最近返PT時，都時常黎食個午飯。試過了1)CURRY牛腩飯/豬扒凍檬味道麻麻，牛幾多，但不夠淋同入味。而凍檬一舊舊，豬扒同屯門那間比，輸一條街吧。2)牛肉凍檬味道普通，牛肉份量很可以，但檬粉方面需要改善..3)煎咸魚餅飯味道不錯，蔥油幾香，煎肉餅沒有咬口。抵讚係個飯同D蔥油唔係好唔好食既..但真係抵，同區黎講，算係性價比最好。