鮨樂 (鱷魚恤中心)

營業中

休息中

本身之前食過一次係尖沙咀店，當時都覺得食物質素ok，又多優惠，所以第一次食完印象都還好。但對上呢次係9月22號，再同朋友係觀塘店食晚餐，食完呢次決定以後都唔會再回頭！當日叫完野食後被告知好多野都已經無哂，算啦唔緊要再叫其他，食物質素都係咁上下啦，不過不失。但最令人不滿係店員啲服務態度，當晚已經唔係爆場，我諗加埋我地全場唔超過五枱。但啲店員就好似好忙咁，想要拎隻碗要叫起碼三次，更加唔好希望佢會主動幫你加茶，都同樣起碼要叫幾次先會理你。到9點3，店員話要埋單先，ok都理解，埋完單後5分鐘，又主動諗住叫店員幫手加茶，店員竟然同我地講：個茶壺已經洗左。我地當下真係唔識反應咁望住佢，跟住佢就走左。我地唯有都快快手食埋兩啖起身走。（一邊食一邊隔離有人拖地都廢事講）成餐飯簡直係「日本餐價錢，茶記質素」真係大開眼界。