稻香 (碧湖花園)

營業中

休息中

話咁快又到了春節的尾聲，難得仲有朋友過來拜年，不想獻醜人前，寧靜比錢人賺，不過餐牌選擇有限。燒鴨皇上檯時尚有微溫，亦喜歡有鴨汁，鴨肉帶汁會更惹味，但鴨皮就會欠了香脆的口感，不過用來配碗白飯又真的不錯。咕嚕肉甜酸汁調教得平均，沒有嗆喉的感覺，略嫌炸漿太厚。瑤柱豆苗當街市豆苗要賣$80/斤時，這碟菜竟然是$100左右，就更覺抵食，豆苗夠翠嫩，食落無渣，混和了豆苗，令口感更佳。蝦仁象拔蚌炒西蘭花西蘭花咬落爽脆，炒得啱啱好，象拔蚌及蝦仁彈牙有嚼口，不過始終係雪貨，蝦味真的欠奉。黑椒牛柳粒用上洋蔥及青椒去炒，非常香口，牛柳柔韌有嚼勁，又有醬汁緊密包裹，又是一道伴飯的好菜色。