峰G館

營業中

休息中

峰 G 館個名最初喺沙嗲牛肉麵群組聽過，受到唔少人讚賞，早前剛好去筲箕灣做嘢，當然要試下係咪真係咁高質。叫咗個常餐，先嚟火腿奄列同多士，兩樣質素都唔錯，奄列大大份，火腿絲好多；多士烘得比較燶，係我鍾意嘅（重😆）口味。主角沙牛面上場，第一個感覺就係湯太多，上面又冇另外淋上沙嗲醬，個麵應該唔夠沙嗲味。食一啖，果然湯較稀較淡，公仔麵亦較腍。牛肉方面，份量算多，牛味亦有，不過呢度嘅沙嗲味道偏甜，冇咩辣味同花生味，所以雖然水準都唔錯，但就唔係我杯茶啦。