影片
更多
2012-05-15
2198 瀏覽
想約朋友食飯試新嘢，通常都有以下三個步驟…1/ 先問為食朋友有咩推介2/ 上openrice睇埋其他意見3/ check check有冇優惠今次為食朋友推介，話尖沙咀【沙嗲軒】唔錯！海南雞飯好味！胡椒炒蟹唔錯！仲有炒蘿蔔糕出色！既然咁正，即刻上openrice鑑證一吓！42個笑對6個喊，大比數勝出！二話不說，打去訂位兼問埋有咩優惠！對方話好簡單，只要上fb搵royal pacific hotel專頁然後乜乜再物物咁就有85折，佢Rap完一大輪，我都唔知佢講乜？唯有同另一飯腳講一次，居然佢又明喎，仲拍晒心口話：「包喺我身上！」呢度環境夠晒舒服，仲可以坐出面吹吹風，比起背脊貼背脊嘅【好時沙嗲】，真係天堂與地獄！先叫個加多加多做前菜……唔錯！再嚟半打串燒……冶味！整多半隻海南雞……夠晒嫩滑忍唔住叫多個油飯……甘香咖哩蟹出場……多汁又多肉跟埋油蘇餅點咖哩汁…簡直絕配當然唔少得炒蘿蔔糕……每一舊都俾冶味嘅沙嗲醬重重包圍，加埋芽菜雞蛋同鮮蝦，真係一食驚為天人！一邊摸住個肚腩，一邊叫埋單，飯腳舉起手中iphone，話下載咗張coupon，侍應話：「要print出嚟先可以用！」咁即係點呀？侍應答：「
通常都有以下三個步驟…
1/ 先問為食朋友有咩推介
2/ 上openrice睇埋其他意見
3/ check check有冇優惠
今次為食朋友推介，
話尖沙咀【沙嗲軒】唔錯！
海南雞飯好味！
胡椒炒蟹唔錯！
仲有炒蘿蔔糕出色！
既然咁正，
即刻上openrice鑑證一吓！
42個笑對6個喊，
大比數勝出！
二話不說，
打去訂位兼問埋有咩優惠！
對方話好簡單，
只要上fb搵royal pacific hotel專頁
然後乜乜再物物咁就有85折，
佢Rap完一大輪，
我都唔知佢講乜？
唯有同另一飯腳講一次，
居然佢又明喎，
仲拍晒心口話：
「包喺我身上！」
呢度環境夠晒舒服，
仲可以坐出面吹吹風，
比起背脊貼背脊嘅【好時沙嗲】，
真係天堂與地獄！
先叫個加多加多做前菜
……唔錯！
再嚟半打串燒
……冶味！
整多半隻海南雞
……夠晒嫩滑
忍唔住叫多個油飯
……甘香
咖哩蟹出場
……多汁又多肉
跟埋油蘇餅點咖哩汁
…簡直絕配
當然唔少得炒蘿蔔糕
……每一舊都俾冶味嘅沙嗲醬重重包圍，
加埋芽菜雞蛋同鮮蝦，
真係一食驚為天人！
一邊摸住個肚腩，
一邊叫埋單，
飯腳舉起手中iphone，
話下載咗張coupon，
侍應話：「要print出嚟先可以用！」
咁即係點呀？
侍應答：「咁下次先囉…」
咁……
我地可唔可以下次先埋單呀？
張貼
