小食掂

營業中

休息中

呢間小食掂我已幫襯超過三次以上我才會寫上食評✍🏻，每次食啲食物都可以保持高質素難得👍🏻，真正用心去做食物💗，真係會食得出嚟、我工作位置在九龍塘，平時午飯時間一係要行到落去九龍城、一係附近得一兩間普通到不得了茶餐廳選擇🤢，第一次幫襯呢間小店我心諗唔係呀，呢啲地方小食店會蝕個啵🤔，就試買咗返公司食，佢哋嗰個兩溝魚肉碗仔翅👍🏻，食得出係冇味精嘅(因為我係味精過敏)，用料落本竟然有竹笙，佢個咖喱陳皮魚蛋…..嘩….真係超正😋，我公司個秘書仔已俾咗個世一魚蛋俾佢、魚肉燒賣，我從來唔鍾意食，但呢度啲燒賣加上佢哋自己做嘅XO醬= 無敵💗，仲有佢哋嗰啲滷味、係新鮮製作，自己做滷味自己串、佢哋啲芥辣醬係自家調製超級好味，唔係買現成返嚟賣，現在已經成為我下午茶或home party必備伴酒之一🤟🏻🤟🏻，同埋原來個老闆有潔癖，唔怪之得佢間小食店咁鬼乾淨🤣🤣🤣