影片
更多
2023-01-05
247 瀏覽
有人話沙田又好靚嘅燒肉，我都唔信，地點仲係要喺沙田圍，勁好奇到底有乜好。介紹個位係有信心嘅推介姐，當然得個信字，去到屋村，更加覺得好大驚喜，然之後入到餐廳，餐廳仲要有飛船送餐。最吸引嘅當然係宮崎和牛套餐，然後可以選擇你自己喜歡嘅肉類，仲有其他豬肉同雞肉，再加上蔬菜，唯一唔好嘅係冇乜甜品選擇。其中一個餐係貪心者最愛，有A5 和牛肉眼蓋 ,A4 和牛肩肉 ,A4 和牛三角腩，三種肉，講真，一定會有你愛嘅好味，我自己個人鍾意三角腩，直頭要食多一碟。宮崎 A5 和牛西冷，有勁大塊和牛，而且好靚，和牛油份當然強，但唔會係好油。個餐仲有飯同湯，提議如果你講究嘅話一定要食紫菜蛋飯，真係好好食，對面一男一女可能後生，食完一個餐仲要加多碗飯，我好想食但都真係要休戰。日本雞爽肉就真係我好愛嘅項目，好鬼彈牙而且佢有調過味道，雞爽肉絕對係你不能錯過嘅項目之一。另外佢嘅蔬菜全部都有加上調味，唔係淨係簡單番薯或者粟米，大部份嘅蔬菜類都食得燒。另外佢嘅醬汁同調味都好充足，大家記得要加啲燒肉汁。個人覺得佢個店真係幾好，如果你有細路仔應該會幾開心，全間店舖嘅裝修都非常有心思，特別係嗰啲可以送餐嘅火車，有得玩又有得食，一
有人話沙田又好靚嘅燒肉，我都唔信，地點仲係要喺沙田圍，勁好奇到底有乜好。
介紹個位係有信心嘅推介姐，當然得個信字，去到屋村，更加覺得好大驚喜，然之後入到餐廳，餐廳仲要有飛船送餐。
最吸引嘅當然係宮崎和牛套餐，然後可以選擇你自己喜歡嘅肉類，仲有其他豬肉同雞肉，再加上蔬菜，唯一唔好嘅係冇乜甜品選擇。
其中一個餐係貪心者最愛，有A5 和牛肉眼蓋 ,A4 和牛肩肉 ,A4 和牛三角腩，三種肉，講真，一定會有你愛嘅好味，我自己個人鍾意三角腩，直頭要食多一碟。
宮崎 A5 和牛西冷，有勁大塊和牛，而且好靚，和牛油份當然強，但唔會係好油。
個餐仲有飯同湯，提議如果你講究嘅話一定要食紫菜蛋飯，真係好好食，對面一男一女可能後生，食完一個餐仲要加多碗飯，我好想食但都真係要休戰。
日本雞爽肉就真係我好愛嘅項目，好鬼彈牙而且佢有調過味道，雞爽肉絕對係你不能錯過嘅項目之一。
另外佢嘅蔬菜全部都有加上調味，唔係淨係簡單番薯或者粟米，大部份嘅蔬菜類都食得燒。
另外佢嘅醬汁同調味都好充足，大家記得要加啲燒肉汁。
個人覺得佢個店真係幾好，如果你有細路仔應該會幾開心，全間店舖嘅裝修都非常有心思，特別係嗰啲可以送餐嘅火車，有得玩又有得食，一定推薦。
然後我就知道點解佢要開喺屋村，真係好啱一家大細食吓燒肉咁，又平又靚，不過要留意，啱啱時間可能要等吓位。
張貼
