大越越南餐廳

營業中

休息中

適逢朋友仔搬咗入嚟沙田圍，入嚟探佢兼一齊去附近覓食。無意間發現咗間好味又抵食嘅越南嘢餐廳。比佢餐廳出面嘅油畫吸引咗行過去🤭 我哋叫咗碗蜆港蕃茄蟹膏蝦丸扎肉金邊粉 ，覺得佢嘅粉麵湯底無味精感，都幾足料 湯底有蕃茄味之餘仲飲到蟹膏嘅鮮味。另外朋友仲嗌左香茅豬扒撈檬，份量一樣都係好足好大碗😋豬扒大大塊 夠惹味，仲要加購嘢飲都只係$12。 餐廳小食菜式都幾多選擇、我哋叫嘅依幾款都好好味 ，特別係芝心蝦多士好邪惡一啖咬落去除咗外表脆口芝士仲滴出嚟，不過食嗰陣小心啲 都真係幾熱～ 另外法式蒜蓉牛油雞翼夠蒜香同脆口 ，最特別嘅係我喺其他越南餐廳比較少見到有嘅蜆港胡椒扎蹄 依度竟然有，佢嘅菜式又真係幾地道。 真心有驚喜😍估唔到沙田圍有間抵食又地道嘅越南餐廳。相信下次入嚟都會再幫襯試埋佢貼喺牆身嘅其他特色菜。