沙田凱悅酒店咖啡廳

營業中

休息中

自從新冠肺炎疫情以來，我在今年3月20日才出關，即係可以外出食飯了，因為家中有個90歲嘅長者，之前唔敢出去食飯，係因為擔心惹上新冠肺炎傳染了他就會令他喪命，最終我喺3月11日中招了，我打的是二價疫苗，他打的是XBB疫苗，可能XBB有效，同住一起，爸爸也沒有被感染。捱咗咁耐，要出嚟食返餐好嘅，唔想去咁遠，約咗喺白石角住嘅好友嚟呢間coffeeshop食自助午餐，款式又多，大多數食物都好食！我哋每人食咗五條燒新鮮白蘆筍，因為係名貴嘢！燒羊架和燒牛肉還有燒雞都好食！魚生我只喜歡三文魚魚生和甜蝦。車仔麵個湯底同啲麵都靚，自製魚皮餃都好食，但係豬皮魚蛋魷魚就麻麻。Virgin sangria麻麻。長腳蟹、扇貝、青口、白灼蝦都好味，特別係白灼蝦。其他未有機會試就已經飽了，餐飲每人叫了一杯熱咖啡，味道唔夠星巴克好飲，但係都OK。服務員收碟收得好快，方便隨時添食！每位$525，由中午12點開始，直至下午2:30，抵食！而且環境很好，雖然聽到很多聲音，但不覺得嘈雜，也偷聽不到鄰枱的說話。