Ruby Tuesday (好運中心)

營業中

休息中

呢間西式餐廳喺全港都有好多分店 最近呢間餐廳回歸沙田😗 選址喺好運中心 我同友人一人叫咗一份主菜同一杯飲品 再加一個甜品😛 特級肉眼扒我呢隻食肉獸梗係要叫塊扒食啦 我揀咗medium🐮 所以切開牛肉仲好粉嫩同有肉汁 肉質唔韌 配埋黑椒汁牛味更加突出 側邊嘅配菜有番薯條 黃瓜 同埋番茄仔🍅經典芝士通心粉漢堡呢個漢堡包嘅配搭真係非常新奇 將芝士通心粉作為其中一樣漢堡包嘅食材😮 其他餡料有漢堡扒 巴馬臣芝士 生菜 番茄同洋蔥 喺包中間嘅芝士通心粉俾到多一重口感 係幾有趣嘅😙濃情朱古力呢個甜品真係好有氣勢🤣 一大杯入面有朱古力蛋糕 雲呢拿雪糕同鮮忌廉 朱古力蛋糕上面仲加咗朱古力醬 食落好濃郁嘅朱古力味 但係因為有cream 所以味道唔會過甜 唔會太膩🍰飲品叫咗爆谷奶昔同意式芝士蛋糕奶昔 爆谷奶昔飲落有焦糖味🍿 爆谷都尚算脆 意式芝士蛋糕奶昔唔係太多咖啡味 偏向近朱古力味🍫到訪嘅呢晚見到有唔少人揀呢間餐廳聚會 可能因為餐廳嘅菜式比較大份😋 適合share嚟食啦 等我下次都約埋一大班friend嚟gathering 食多幾款嘢食先😎