新樂園魚蛋粉 (已搬遷) 新店位置

早餐突然想食河粉，就去咗坑口美食街入邊嘅新樂園魚蛋粉食河粉，呢度無論幾早去到，都會見到餐廳入邊有幾多人喺度食嘅，餐廳環境尚算乾淨，裝修設計都唔錯，食嘢嘅環境都幾舒服。我叫咗碗豬肉丸墨魚丸河粉，墨魚丸彈牙，都食到有墨魚粒，佢嘅質地同埋味道我都幾鍾意，叫人一試難忘。至於豬肉丸，質地都唔錯，但相對墨魚丸來講，質地較遜色，但咬落都幾彈牙而且有肉汁，質素算唔錯。但可分就令我大為驚喜，唔會好似一餅餅咁黏，條條河粉都分明食落好滑溜，而且我加咗藍汁，成碗嘅味道更加突出。不過我覺得係早餐來講， $47一碗係有啲貴，如果價錢可以平少少會更加唔錯。