HOPA House (已結業)

觀塘碼頭附近真係揾食艱難，對於番e頭工嘅我，每次食lunch都幾頭痛，不過，我最緊發現咗e間專食海南雞飯嘅餐廳，決定要介紹比大家！e間店有午餐set,有餐湯同野飲，而最出名嘅，就係佢地嘅海南雞飯，大食嘅朋友唔洗驚，因為飯係仼添，食到你飽為止。試完e個海南雞飯，終於明點解係招牌，事關佢真係好出色。先講下個飯，唔同普通油飯，佢帶有香料嘅味道，相信落咗泰國果d調味嘅香葉去煮，淨係食飯都可以食幾碗。然後係隻雞，好靚，唔會好肥好厚皮，一半雞比一半雞胸，唔洗靠彩數，滿足曬唔同人需要！另外再叫咗個豬軟骨烏冬，豬軟骨夠稔，湯底清。老闆娘服務態度一流，所以好滿意！