Burger's Friend Forever (嘉峯匯) (裝修中)

之前試過將軍澳分店，漢堡質素好高，今次就試下啟德哩間新分店，哩到既裝修同將軍澳分店相近，都係行型格工業風，牆邊有個自助位置，可以拎膠手套同各類調味料。餐牌同另外兩間分店相同，上面仲有唔少生酮食物。🍔鵝肝安格斯漢堡 $148麵包外脆內軟，鵝肝相當大舊，入口充滿油脂香，芝士係半溶狀態，份量亦好多，安格斯牛夠曬juicy，牛味濃郁，而底層既菜苗同黑醋汁正好中和油膩感，好食推介👍🏻➕購買任何漢堡+$25可選配香脆有皮薯條/薯格/田園沙律及罐裝汽水，+$33 可選配蕃薯條/洋蔥圈/一口芝士及罐裝汽水。小食我就揀左香脆有皮薯條，哩到既薯條質感實在過出面既好多，而且較為粗身。🍔丹麥藍芝士漢堡 $90 麵包外皮烤得香脆，咬落去食得出藍芝士既味道，較為鹹香，內裏配料豐富，有洋蔥、蕃茄同生菜，新鮮爽脆，中間既漢堡扒juicy多肉汁，亦有牛香。小食我就揀左一口芝士，有3件，外表炸得金黃，炸皮夠薄，內裏微温，芝士幼滑味濃，超級推介👍🏻🥤可樂及健怡可樂整體黎講，餐廳裝修型格，漢堡包味道亦唔錯，過開黎哩邊都可以一試。