孖啡 (已結業)

孖啡已經唔係第一次嚟啦, 貪呢度夠就腳, 又好坐, 確係唔錯嘅聚腳點。 佔全層嘅孖啡間開咗兩邊, 今日星期六, 晏晝非常旺場, 其中一邊已經full咗, 我地坐另一邊, 無咁多人, 靜靜地仲好。朋友同我都不約而同揀咗日式黑椒牛柳粒飯, 餸同飯嘅比例幾乎係一比一, 牛柳大舊得嚟食落唔會韌, 只係略嫌鹹咗啲啲。三色椒輕輕炒熟, 食落爽口清甜。 跟餐送你一杯$38飲品, 我就加錢揀左Oreo 奶昔,  飲落超級 milky, 仲非常飽肚, 搞到我連個飯都食唔曬。朋友點嘅審判 (青蘋果、菠蘿、薄荷、檸檬沙冰), 顏色有點浮誇, 但飲落冰涼清新, 非常消暑。每次我都必定+$28食埋個心太軟。今次當然都唔例外！脆皮軟心, 好食過唔少西餐廳㗎。