影片
更多
2023-09-29
123 瀏覽
我好鍾意食早餐，油麻地區嘅港式早餐基本上都試過了。😋😛見屋企附近有新開嘅餐廳，即刻去試吓佢嘅早餐。我都唔算揀飲擇食，但竟然俾我發現連公仔麵都可以煮得難食到嬲嘅餐廳。🥶舖頭環境無咩特別，可能我唔太喜歡偏藍嘅燈光，所以覺得唔算坐得好舒服。樓面人手不足，唯一一個姐姐都不停走嚟走去🏃♀️處理外賣、埋單同顧客投訴（無錯，喺我等叫嘢食嘅時候，陸續都有客人投訴個麵唔熱等等）。早餐選擇款式較少。我揀咗雪菜肉絲公仔麵，跟餐送火腿、太陽蛋同丹麥多士。所有嘢食都果然係凍嘅，火腿、蛋、多士都俾一層凍冰冰嘅油包住。多士雖凍，外層依然酥脆，但中間一咬落去就有凍咗嘅油湧出嚟，加上有陣雪味嘅牛油，我食咗一啖之後真係繼續唔到。個麵係重點難食，可以話係全區最難食嘅早餐。雪菜肉絲有雪菜有肉絲，但食落就唔係好似食開嘅味道，因為好甜。佢一餅嘢嘅程度令我知道佢係凍嘅，放入口果然不出所料。個麵口感食得出係浸出嚟，而唔係煮出嚟。🥲最令人驚訝係佢竟然就咁用啲有陣麵味嘅煮麵水浸住個麵😭😭😭我以為可以將雪菜肉絲同湯撈勻，就會好食返啲，我太天真了。有味係有味，但個麵更凍了，而且好甜。🥹最後我食咗兩啖，我不行了我盡力了，唔想浪費食物，但真係唔
見屋企附近有新開嘅餐廳，即刻去試吓佢嘅早餐。我都唔算揀飲擇食，但竟然俾我發現連公仔麵都可以煮得難食到嬲嘅餐廳。🥶
舖頭環境無咩特別，可能我唔太喜歡偏藍嘅燈光，所以覺得唔算坐得好舒服。
樓面人手不足，唯一一個姐姐都不停走嚟走去🏃♀️處理外賣、埋單同顧客投訴（無錯，喺我等叫嘢食嘅時候，陸續都有客人投訴個麵唔熱等等）。
早餐選擇款式較少。我揀咗雪菜肉絲公仔麵，跟餐送火腿、太陽蛋同丹麥多士。
所有嘢食都果然係凍嘅，火腿、蛋、多士都俾一層凍冰冰嘅油包住。多士雖凍，外層依然酥脆，但中間一咬落去就有凍咗嘅油湧出嚟，加上有陣雪味嘅牛油，我食咗一啖之後真係繼續唔到。
個麵係重點難食，可以話係全區最難食嘅早餐。雪菜肉絲有雪菜有肉絲，但食落就唔係好似食開嘅味道，因為好甜。佢一餅嘢嘅程度令我知道佢係凍嘅，放入口果然不出所料。個麵口感食得出係浸出嚟，而唔係煮出嚟。🥲最令人驚訝係佢竟然就咁用啲有陣麵味嘅煮麵水浸住個麵😭😭😭我以為可以將雪菜肉絲同湯撈勻，就會好食返啲，我太天真了。有味係有味，但個麵更凍了，而且好甜。🥹
最後我食咗兩啖，我不行了我盡力了，唔想浪費食物，但真係唔想食，結果去咗買其他早餐。
難食指數（以食咗嘅份量計）
火腿-食曬
太陽蛋-食曬
多士-一啖
雪菜肉絲麵-一啖
凍檸茶走甜-1/3杯
雪菜肉絲公仔麵
4 瀏覽
0 讚好
0 留言
張貼
