小草十八怪

營業中

休息中

今日去到油麻地附近，見到有一間門面好大，亦都好新淨嘅餐廳。不期然吸引咗我入去睇吓，啲人都幾親切，特別叫我坐一個冇咁大風嘅位，等我哋坐得舒服啲，呢個位要讚一下！我哋打開餐牌，見到好多好吸引嘅嘢，有條好靚嘅魚，即刻叫返條試吓先！最欣賞嘅係佢下午茶時間，都可以叫到其他餐牌嘅嘢，睇嚟今次可以下午茶當晚餐食埋！飲水都係自助嘅，都係符合到我哋簡簡單單可以洗餐具嘅要求。以下落嚟就係美食嘅環節啦，大家睇吓我啲相你就知知道每樣嘢都好有水準！特別鍾意嘅係佢真係有個火爐燒住佢哋慢慢慢慢食，一路食一路享受！基本上佢應有盡有，你諗得出嘅食物無論係串燒，主要食物嘅米線飯類，又或者係少少甜品類嘅飲品，都能夠滿足到你嘅需要。