春禧堂台灣料理餐廳PLUS (已結業)

依幾日真係好熱，諗住買杯肥仔水飲下，行行下就見到依間新開既小店，除左有飲品仲有其他台灣野食都好平，連外賣盒都係台灣夜市設計🤣買完老闆仲話可以去隔離到食，先發現原來唔係外賣店咁簡單，隔離仲有位坐😳，入到去仲有靚靚花牆可以打卡📸️，仲有台灣產品買e.g鳳梨酥，蛋捲、9款唔同味既爆谷😍。✨不設加一-💕 芋泥肉鬆吐司 $30👅好味指數：7/10食到芋泥真係好滿足🥹💜吐司餡料由芋泥紫薯肉鬆製成🤤但因為原本甜度唔高，所以係餡面到都見到灑左小小砂糖增加甜度，食落有淡淡芋泥味同肉鬆咸香😚加埋糖甜度剛好🤣-💕 鹽酥雞粒滷肉飯 $45👅好味指數：7.5/10成個盒真係好台灣便當🍱feel🤣，鹽酥雞粒好多，大概都有8粒，炸得外脆內軟！而滷肉飯醬汁調得都好夠味，滷肉會偏肥小小，同台灣食既都好相似！-💕 椒鹽花枝丸 5粒 $28👅好味指數：8/10花枝丸脹卜卜好大粒🤣，外皮炸得好香脆，肉質爽口彈牙，好抵食！-💕 經典蚵仔煎 $38👅好味指數：7/10蚵仔煎粉皮煙韌蠔仔雖然唔多，但好飽滿👍🏻-💕 茉莉綠茶$18+ 香醇鮮奶$6+小芋圓$6(半糖)👅好味指數：7/10茶底奶味香醇，小芋圓比平時既再細粒小小，有煙韌感。