影片
更多
2021-07-21
469 瀏覽
呢日中午嚟到油麻地搵朋友食晏，我哋都被廟街轉角位嘅「Cascara」所吸引。小店嘅門面以及室內都用上工業風嘅設計，樸實簡約，令人感覺舒服😊。我哋入去嗰陣小店係Full咗，但幸好咁啱有人埋單，所以先有位🙏🏻。小店面積偏細，餐枱普遍都係比較適合飲杯咖啡，但都算坐得OK嘅。我最鍾意其實係呢度透過玻璃窗嘅自然光滲透店內。店員態度友善，主動向我哋推介小店嘅名物，佢能清晰説明每樣食品同飲品嘅特色，但就並無過份吹噓👍。用心經營，客人係會感受到的。煙三文魚牛油果貝果Smoked Salmon Avocado Bagel($86)，🥯店員介紹貝果係再度回歸餐牌上，因為自暫停供應後，客人都不斷問幾時再有得食。Bagel好有咬口，煙煙韌韌，而中間就夾住煙三文魚、牛油果、忌廉芝士、紅椒粉同沙律菜，係一個幾搭調嘅組合。全日早餐All Day Breakfast($108)，🥓早餐內容包括煎腸、煙肉、炒蛋、大啡菇、多士、沙律以及煎蕃茄，雖然呢份早餐並無特別嘅食材，但重點係每樣都整得唔錯。當中我最鍾意係炒蛋🥚，因為炒得好濕滑，配多士食一流。雲呢拿凍朱古力Iced Vanilla Chocolate($58)，唔飲咖
呢日中午嚟到油麻地搵朋友食晏，我哋都被廟街轉角位嘅「Cascara」所吸引。小店嘅門面以及室內都用上工業風嘅設計，樸實簡約，令人感覺舒服😊。
我哋入去嗰陣小店係Full咗，但幸好咁啱有人埋單，所以先有位🙏🏻。小店面積偏細，餐枱普遍都係比較適合飲杯咖啡，但都算坐得OK嘅。我最鍾意其實係呢度透過玻璃窗嘅自然光滲透店內。
店員態度友善，主動向我哋推介小店嘅名物，佢能清晰説明每樣食品同飲品嘅特色，但就並無過份吹噓👍。用心經營，客人係會感受到的。
煙三文魚牛油果貝果Smoked Salmon Avocado Bagel($86)，🥯店員介紹貝果係再度回歸餐牌上，因為自暫停供應後，客人都不斷問幾時再有得食。Bagel好有咬口，煙煙韌韌，而中間就夾住煙三文魚、牛油果、忌廉芝士、紅椒粉同沙律菜，係一個幾搭調嘅組合。
全日早餐All Day Breakfast($108)，🥓早餐內容包括煎腸、煙肉、炒蛋、大啡菇、多士、沙律以及煎蕃茄，雖然呢份早餐並無特別嘅食材，但重點係每樣都整得唔錯。當中我最鍾意係炒蛋🥚，因為炒得好濕滑，配多士食一流。
雲呢拿凍朱古力
$58
3 瀏覽
0 讚好
0 留言
朱古力咖啡
$50
3 瀏覽
0 讚好
0 留言
總括嚟講，如果天氣熱，行到攰，不妨入嚟呢度Chill吓😎，飲杯嘢，歇吓腳。涼住冷氣望出窗外，確係份外寫意。小店仲有賣甜品㗎，但今日趕時間，所以未有機會一嚐。題外話，Weekday嚟幫襯的話可跟配套餐，飲品正價減$15👍。
張貼
