麵の四

營業中

休息中

拉麵界即將掀起一場腥風血雨嘅決鬥，究竟湯麵同沾麵邊個可以成為我的最愛？！嚟到筲箕灣嘅麵の四，一推開門，隨即傳嚟一陣非常香濃嘅湯底味道，要知道一碗成功嘅拉麵，湯底絕對係關鍵所在，而麵の四嘅湯麵同沾麵各有特色，令人非常期待！胡麻凍豆腐芝麻醬同木魚絕對係凍豆腐嘅精髓，另外加上青蔥，令非常滑溜嘅凍豆腐，口感層次大大提升。蒜香雞翼蒜香雞翼帶有香濃嘅牛油味偏重，外皮香脆，肉質Juicy。清酒煮蜆蜆肉脹卜卜，喺鮮甜嘅味道上帶有清酒嘅酒香，非常優雅。關東煮想知關東煮好唔好食，望吓蘿蔔就知！蘿蔔夠晒深色，非常入味。其他配料仲有蒟蒻、豆腐、竹輪等等，每件配菜都大大件，索晒湯非常鮮甜。赤海鮮拉面辣度可以自己揀，唔食得太辣都無問題。海鮮配料有青口、蜆、八爪魚、蝦等，份量十足之餘，仲令湯底多咗一份鮮甜味，非常驚喜。黑蒜油白豚沾面白豚被師傅燒至燶邊，勁香呀，而且食落口會有少少外脆內軟嘅感覺。至於湯底唔會過鹹，黑蒜油味道持久，當偏粗身嘅沾麵落湯後，非常掛湯，夠晒惹味。