Solé (已結業)

一間高級又有氣派嘅法國🇫🇷餐廳，位於MegaBox 5樓，餐廳以灰白色為主，有大量白色乾花襯托，最啱鍾意浪漫打卡嘅我。同朋友靜靜地傾計，真係一個唔錯嘅選擇。先講下食物質素，我同朋友叫左個2人set dinner套餐，套餐包括可任選4款頭盤，2款餐湯、2款主食和完美甜品。店員服務很好，人手充足，絕對感受到俾重視嘅款待。頭盤上之前，會有一個好特別嘅前菜，新鮮嘅蕃茄加少少黑醋同橄欖油，再加少少檸檬汁，再點蕃茄食，原來係好好味，呢個食法，我都係第一次嘗試，真係好清新嘅開胃菜。四款頭盤，我哋揀咗風乾牛肉，法式醃製紅菜頭，蜜糖芥末籽香草蝦同輕煎醃製劍魚，每碟都非常精緻。洋蔥湯清甜得嚟又有法式麵包加芝士嘅鹹味，仲有一絲絲嘅洋蔥，味道同口感都非常有層次。鍾意洋蔥嘅朋友值得推介。主菜當然係我至愛嘅菠菜蘑菇烤鱈魚😍鱈魚肉質鮮嫩，香煎得恰到好處，外脆內嫩，另外，菠菜同蘑菇，浸入龍蝦湯，將整個主菜嘅鮮味帶出。好好味呀！！另一款主菜係我朋友至愛嘅牛(温煮牛面頰配忌廉薯蓉伴牛肉汁)，牛面頰因為温煮原故，所以，咬落去唔會太韌，配上濃郁薯蓉忌廉蓉加牛肉汁，整體好豐富。最後當然係完美甜品🍮作結尾，委内瑞拉