影片
更多
2024-09-01
428 瀏覽
難得放假同老公拍拖去尖沙咀行街，晚餐決定搵間有情調嘅西餐廳 — 尖沙咀the one嘅Royal Inn。呢間餐廳以法國tone做裝飾，大大個仿凱旋門做正門嘅出入口，門前仲有好多好靚嘅花，藍色+白色+綠色嘅tone，超級優雅，令我諗返起我同老公結婚嗰陣時嘅花花裝飾。淨係門口呢個位已經殺咗我唔少電話memory，完全係一個超級正嘅打卡位。忍唔住拉住老公喺門口影咗幾張相先肯入餐廳。我哋今次叫咗：法式龍蝦濃湯、香蒜白酒鮮大蜆扁意粉、流心布袋芝士紫薯意大利飯、開心果蘋果肉桂班戟、Avocado Smoothie。法式龍蝦濃湯：味道香濃，質感幼滑，唔會太杰撻撻。配上一塊薄脆，多左一層口感。香蒜白酒鮮大蜆扁意粉：呢款意粉比較乾身，食到微微嘅白酒香味，意粉上面加咗熟蒜同生蒜，配意粉嚟食更添一陣蒜香味，大蜆數量比想像中多。流心布袋芝士紫薯意大利飯：每一粒意大利飯都有紫薯包裹住，芝士唔會太過濃烈，微微嘅芝士香味配合紫薯意大利飯更好味。BB紅蘿蔔煮得啱啱好，軟硬適中，亦無青殼味。開心果蘋果肉桂班戟：呢個甜品打卡真係一流。班戟上面有一大堆果蓉，仲有一舊cream，上面配上食用鮮花+果乾，賣相吸引！！味道亦好
難得放假同老公拍拖去尖沙咀行街，晚餐決定搵間有情調嘅西餐廳 — 尖沙咀the one嘅Royal Inn。
呢間餐廳以法國tone做裝飾，大大個仿凱旋門做正門嘅出入口，門前仲有好多好靚嘅花，藍色+白色+綠色嘅tone，超級優雅，令我諗返起我同老公結婚嗰陣時嘅花花裝飾。
淨係門口呢個位已經殺咗我唔少電話memory，完全係一個超級正嘅打卡位。忍唔住拉住老公喺門口影咗幾張相先肯入餐廳。
我哋今次叫咗：法式龍蝦濃湯、香蒜白酒鮮大蜆扁意粉、流心布袋芝士紫薯意大利飯、開心果蘋果肉桂班戟、Avocado Smoothie。
法式龍蝦濃湯：味道香濃，質感幼滑，唔會太杰撻撻。配上一塊薄脆，多左一層口感。
香蒜白酒鮮大蜆扁意粉：呢款意粉比較乾身，食到微微嘅白酒香味，意粉上面加咗熟蒜同生蒜，配意粉嚟食更添一陣蒜香味，大蜆數量比想像中多。
流心布袋芝士紫薯意大利飯：每一粒意大利飯都有紫薯包裹住，芝士唔會太過濃烈，微微嘅芝士香味配合紫薯意大利飯更好味。BB紅蘿蔔煮得啱啱好，軟硬適中，亦無青殼味。
開心果蘋果肉桂班戟：呢個甜品打卡真係一流。班戟上面有一大堆果蓉，仲有一舊cream，上面配上食用鮮花+果乾，賣相吸引！！味道亦好好味，果蓉酸酸甜甜，班戟厚度適中，大推！！！
Avocado Smoothie：好香好濃烈嘅牛油果香，冰冰凍凍，好飲！
呢間餐廳不失為約會拍拖/知己傾談嘅好選擇！亦都係花花愛好者嘅打卡好地方。
張貼
