Otto Restaurant (已結業)

今晚老公帶我去銅鑼灣食上樓法國菜，再一次發現銅鑼灣啲上樓舖有好多正嘢！精選晚餐有餐前小食，湯，前菜，主菜，甜品及餐飲，價錢平均$500幾，都幾相宜。like and share Facebook page仲有兩個小食送，分別係芝士焗蠔（右）同吞拿魚他他（左），咁抵冇理由唔like啦！晚餐內有三款小食選擇，我地不約而同都選擇左生蠔一隻，係法國鑽石蠔，海水味幾重，唧少少檸檬汁就食得。麵包可refill...有紅茶麵包、芝士麵包同脆脆麵包條，仲有黑松露牛油，熱辣辣麵包，我地食左兩轉呢！湯係南瓜蟹肉湯同黑松露花膠燉湯，前者蟹肉份量多，南瓜湯香香甜甜；後者甚有fusion感覺，中西合壁嘅湯品，花膠仲大大舊添！松露焗北海道帶子：表面以黑松露牛油焗過，內裡依然軟身，呈半刺身狀態，鋪底嘅南瓜薯蓉都不容錯過呢！上主菜之前仲有個青檸雪芭比我地清清味蕾呢！主菜時間：煎深海鱸魚配忌廉波菜($538)魚肉煎得香，菠菜夠creamy!九州鹿兒島A4和牛伴和牛意大利飯（$618）和牛放在粉紅岩鹽磗上，想食幾鹹自己控制，食慢啲牛肉就會索多啲鹽味架喇！至於和牛Risotto 就非常rich和牛味，而且份量少少就剛剛好。