悅滿軒

今日係結婚周年紀念，老公話想食西餐。於是我就上網睇下邊度食評好。 見到饒宗頤文化館內呢間悅滿軒食評不錯，又近屋企，於是我地就book 咗呢度黎慶祝了。餐廳裝修簡單舒服，又不會太過高級，反而太高級俾人感覺焗促感覺。侍應有禮，亦能為我地專業地介紹。😉👍🏻我地點了這個烤小龍蝦意大利粉配西班牙紅蝦汁，意粉經紅蝦汁煮過後，香濃彈牙。小龍蝦第一次食，這種是外國的小龍蝦，肉質香甜爽口特別。另外仲點了法式紙包智利紅䱽魚配海鮮汁，老公好愛食魚，連佢都大讚呢個魚肉香滑，唔算多骨。除了鎗魚之外，還包著好多海鮮同配菜，煮出黎的湯汁充滿鮮甜味道索進魚肉內。最後仲有意大利飯配澳洲鮑魚 海鮮湯，呢個飯好精緻，鮑魚煮得好淋身，亦食得出好新鮮。意大利飯煮得好入味，海鮮於口內爆發。