LQV STANLEY - Stan Café (已結業)

今日約左一班朋友行山，由鰂魚涌行去大潭三個幾鐘。到左大潭緊係即刻飛去赤柱醫肚啦。Stan Cafe門面有好多唔同款色蛋糕選擇，就係咁我地被吸引去食個Brunch。Brunch Menu對於有小朋友一齊食就覺得選擇唔算太多。法式麵包同鹽味牛油就真心要比幾個讃👍🏻👍🏻👍🏻芒果帶子紅菜頭沙律，正！好清新，帶子又新鮮，係一款好開胃嘅小食。homemade蕃茄醬意大利麵又係冇得彈。蕃茄好香麵質感亦都好好。橄欖油芝士松子長通粉都好出色，香口又唔漏。腸仔薯條。咪睇佢好似好寡，真心講兩條法式香腸比預期中好味。呢餐雖然比較貴，但勝在好味道，有機會會再泥食！