立体派拉麵 (威靈頓街)

營業中

休息中

中環立体派隱於巷中，行過都未必會留意到，不過就好多人討論。店内是木系的元素，餐牌不時有新款的拉麵，今期就有每日限10碗既涼風紅楚蟹高湯鹽冷麵。涼風紅楚蟹高湯鹽冷麵冷麵上有一個大泡泡，一觸即破，然後會聞到柑橘香，冇諗過食麵都可以咁好玩，幾有諗頭。冷麵湯底用上日本鳥取縣的時令紅楚蟹熬製，配埋以笹川流藻鹽及瀨戶內粗鹽調配的花蛤鹽醬汁，蟹的鹹鮮味出晒嚟。而家日日都咁熱，呢個冷麵絕對透心涼。配菜仲有蘭王赤心蛋，燒北海道帆立貝，北海道十勝豚肉，長芋蓉和醋漬洋蔥，好豐富。其中長芋蓉配冷麵就會變成沾麵般的食法，一麵兩食。九味醬油湯麵3cm厚切慢煮叉燒就好似東坡肉一樣咁吸引，肥肉瘦肉，一層一層，入口即溶。配合九種特級日本醬油製成的濃郁湯底。章魚小丸子估唔到呢度雖然食拉麵，但會見到章魚小丸子，木魚碎加上豐富的醬汁，又幾好食。香炸雞軟骨餃子口感脆卜卜，沾上沙律醬，更令人開胃。佢哋仲有多款特色飲品。