泰中意 (已搬遷) 新店位置

餐廳裝修精緻，牆上面有好多特色掛畫😍店員服務亦唔錯，都有同我哋簡單介紹Menu，是日推介等等，整體對餐廳第一印象幾好😃當中我最深刻印象就係炸蝦餅，一上枱見到有八件，再一分為二，份量真係超多！而且味道真係好出色，算係我食過最好食嘅炸蝦餅🤩炸到金黃色，香口又彈牙，色香味俱全。另外冬陰功鮮蝦忌廉意粉都唔錯，係從來冇食過嘅味道，但係又出奇地夾，所以都幾有新鮮感。最後炭燒豬頸肉都好值得推薦，火候控制得好好，炭香四溢😄肉質依然嫩滑，大人小朋友都好鍾意食。