小曼谷海鮮燒烤屋

營業中

休息中

晚上出左#九龍城 的#小曼谷海鮮燒烤屋 食#泰國美食 ，假日前的一天，估佢唔到咁多人出黎搵食，好彩剛好有張2人枱，遲一步便要等一下囉。餐廳現推出了指定菜式，於夜市堂食只需要$38，今晚是咖哩青口，以為平野冇好就錯喇，上枱時我們都嘩了一聲，好大碟的超級抵食，青口肉質柔軟，咖哩調味很好吃，配料的洋蔥、青椒🫑、紅椒🌶️都多。海鮮孖寶, 在菜單的A、B款中各㨂選一款，可配搭兩種食物，我地選擇左泰式烏頭，魚🐟燒等到熟度剛好，肉幼滑又有肉汁，點埋附上的泰式醬汁更開胃。燒脆皮白鱔有2串，即燒熱辣辣，白鱔皮燒得很香脆，魚肉厚身且爽口彈牙亦唔錯。 天口熱飲品要左清熱解渴的原個椰皇，原汁原味好清甜，爽丫😋。