泰筏味泰國船河專門店 (已結業)

同老友聚會開餐，今次輪到我話事，揀食邊間餐廳，我就揀左之前係網上睇過報導既船河餐廳，聽講老闆係泰國人，咁食物應該好正宗。呢度係半自助點餐，自己出去收銀度叫野食，比錢，跟住埋位等店員送餐。先買左飲品先，龍眼冰同珍多冰，味道比較淡。泰國空運燒雞，皮薄，香口，唔多肥膏，應該有半隻的，肉嫩滑，配個泰國辣醬食，爭味！椰青，大大個，清甜解喝，d椰子肉好嫩滑。脆肉船河，河粉又滑又q，脆肉味道咸香，湯底濃郁，因為15元一碗好平，我地跟住叫左多幾碗試多幾個味。