泰原味

營業中

休息中

哩間泰國餐廳新開張一段時間，裝修企理，食客人流都幾多，我都幫襯下先。菠蘿梳打($26) ，青檸梳打($26)泰式無骨鳳爪($48)，爽口大隻，啖啖肉，辣度適中，不算太辣。泰式原隻鮮菠蘿海鮮炒飯($83)，滿滿既海鮮飯，我覺得菠蘿粒最好味夠晒清甜多汁。馬來盞炒通菜($68)，哩個通菜炒得辣辣地好惹味，而且菜好新鮮。炭燒泰式串燒(4串/$42)，選左豬肉，精髓在於沙爹醬，味道夠濃，而且有花生粒，配串燒真係一流，豬肉串我覺得比例好合適，8成肉，2成肥膏，不太油膩亦不太乾身。芒果白糯米飯($56)，椰汁香濃，糯米帶有煙煙韌韌，芒果選用既品種，似係那種就算熟透都只會呈現綠色外皮，不會似一般芒果呈黃色外皮，芒果肉口感比較結實，但一樣好清甜。