泰鑫

營業中

休息中

🔸泰鑫特色土鍋 $158有冇食過泰國土鍋？土鍋我都係第一次食，食之前我都專登問一問店員泰國嗰邊嘅食法，生雞蛋就係打暈咗之後撈埋啲牛肉雞肉再放落土鍋度，其他材料就係好似我哋平時打邊爐一樣放落去就可以，最近天氣涼涼哋食就啱晒，肉好夠腍好夠嫩，蝦亦都好爽彈，另外仲有啲粉絲、魚蛋、菜等等嘅配料，夠晒一人份量🔸原隻龍蝦金邊粉 $268原隻龍蝦真係唔講得少，成嚿龍蝦肉，仲要蟹鉗都係啖啖肉，好少泰國餐廳會出咁特別嘅款式，另外龍蝦嘅面頭仲有好多金邊粉，金邊粉用咗粿仔條去炒，就更彈性與黏性，撈埋伴碟嘅砂糖、辣椒、花生碎，就更加有泰國風味，另外仲有三大隻蝦，肉質爽彈🔸飛天炒通菜 $88炒菜方面有得揀炒芥蘭、炒通菜、或者炒雜菜，我揀咗炒通菜，仲有得揀唔同嘅辣度，我就揀咗小辣，食落唔會太辣，通菜炒得好香口惹味🔸乾蔥蒜蓉豬肉條 $108份量我覺得唔細份，每條豬肉條嘅size切得啱啱好，有厚度但係又可以一啖食晒，食落去就會有得咬吓，更加有口感，調味方面都做得唔，好香乾蔥蒜蓉味，炸得亦都啱啱好🔸芒果糯米飯 $88糯米飯係用咗紫米，整得得亦都好夠腍，仲係熱熱地添，椰漿嘅稀稠程度適中，芒果好香好甜🔸青檸梳打 $48🔸凍